"Fulxem" a’zosi Entoni Robinson "Liverpul"ning chap qanot himoyachisi pozisiyasini kuchaytirish bo‘yicha short-listida yetakchilik qilmoqda.
Yozgi transferlar vaqtida "Liverpul" uchun chap qanot himoyasini kuchaytirish ustuvor vazifalardan biri bo‘lib turibdi. "Qizillar" bosh murabbiyi Arne Slot o‘z pozisiyasidagi raqibi Kostas Simikas jamoani tark etishi mumkin bo‘lgan Endi Robertsonga raqobat qo‘shmoqchi.
Hozirgacha chap qanot himoyachilari orasida "Liverpul"ning birinchi raqamli nishoni Milosh Kerkez bo‘lib kelgan, uni "qizillar" sport direktori Richard Xyuz "Bornmut"dagi faoliyati orqali biladi.
Daily Mirror xabariga ko‘ra, istiqbolli Kerkez haqiqatan ham "Liverpul"ning short-listidan o‘rin olgan, ammo bu ro‘yxatning boshida baribir ayni kuchga to‘lgan Robinson turibdi, "Fulxem" uning uchun taxminan 50 million funt so‘rashga tayyor.
"Liverpul" short-listidagi uchinchi nom - "Vulverxempton" a’zosi Rayan Ait-Nuri. 23 yoshli jazoirlik eng arzon variant bo‘lib ko‘rinmoqda.
