"Manchester Yunayted"ning sobiq ustozi Erik ten Xag faoliyatini Italiyada davom ettirishga tayyor.
Niderlandiyalik mutaxassis o‘tgan yilning oktyabr oyida "qizil iblislar" bosh murabbiyligidan iste’foga chiqarilgan edi. O‘shandan beri mutaxassis ishsiz qolmoqda, ammo yangi mavsum boshidanoq yangi loyihani amalga oshirishni rejalashtirmoqda. Jurnalist Nikolo Skiraning ma’lum qilishicha, ten Xagning yakshanba kuni "Roma" va "Yuventus" to‘qnash kelgan "Stadio Olimpiko"ga tashrifi bejiz emas. Murabbiyni A Seriyadagi ish variantlari qiziqtiradi va agar taklif tushsa, u bajonidil bunday imkoniyatni ko‘rib chiqadi.
Erik ten Xag "Manchester Yunayted"da 2022 yilning yozidan buyon ishlab kelayotgandi. U bungacha Amsterdamning "Ayaks" klubini muvaffaqiyatli boshqargan.













