"Манчестер Юнайтед"нинг собиқ устози Эрик тен Хаг фаолиятини Италияда давом эттиришга тайёр.
Нидерландиялик мутахассис ўтган йилнинг октябрь ойида "қизил иблислар" бош мураббийлигидан истеъфога чиқарилган эди. Ўшандан бери мутахассис ишсиз қолмоқда, аммо янги мавсум бошиданоқ янги лойиҳани амалга оширишни режалаштирмоқда. Журналист Николо Скиранинг маълум қилишича, тен Хагнинг якшанба куни "Рома" ва "Ювентус" тўқнаш келган "Стадио Олимпико"га ташрифи бежиз эмас. Мураббийни А Сериядаги иш вариантлари қизиқтиради ва агар таклиф тушса, у бажонидил бундай имкониятни кўриб чиқади.
Эрик тен Хаг "Манчестер Юнайтед"да 2022 йилнинг ёзидан буён ишлаб келаётганди. У бунгача Амстердамнинг "Аякс" клубини муваффақиятли бошқарган.
