"Sautgempton" bosh murabbiyi Ivan Yurich jamoaning Premyer-ligadan tushib ketishi sabablari haqida gapirdi.

"Futbolda o‘yinchi tanlash hamma narsani hal qiladi. Bizda yosh iqtidorli futbolchilar ko‘p, lekin ularning APLda o‘yinlari kam. Bu yerda bo‘lganimning uch-to‘rt oyligida e’tiborimni tortgan narsa, biz va boshqa jamoalar o‘rtasidagi jismoniy tayyorgarlikning butunlay boshqacha darajasi bo‘ldi.

Klub so‘nggi uch-to‘rt yil ichida yo‘l qo‘ygan xatolar ustida ishlash va chinakam sifatli ishlarni boshlash vaqti keldi", deydi murabbiy.