"Manchester Yunayted" vingeri, ayni damda Londonning "Chelsi" klubida ijarada o‘ynayotgan Jeydon Sancho faoliyatini Angliya Premyer-ligasining boshqa klubida davom ettirishi mumkin.

Todofichajes portali sahifalarida xabar qilinishicha, 25 yoshli futbolchining xizmatlariga "Vulverxempton" qiziqish bildirmoqda.

"Bo‘rilar" rahbariyati Jeydonni sotib olish uchun 30-35 million yevro ajratishga tayyor. Sanchoning "pensionerlar" bilan ijara shartnomasi 2025 yilning iyun oyi oxirigacha amal qiladi.

Angliya chempionatining joriy mavsumida yarim himoyachi 25 ta o‘yinda maydonga tushdi. U ikkita gol urdi va to‘rtta golli uzatmani amalga oshirdi.