"Манчестер Юнайтед" вингери, айни дамда Лондоннинг "Челси" клубида ижарада ўйнаётган Жейдон Санчо фаолиятини Англия Премьер-лигасининг бошқа клубида давом эттириши мумкин.

Todofichajes портали саҳифаларида хабар қилинишича, 25 ёшли футболчининг хизматларига "Вулверхэмптон" қизиқиш билдирмоқда.

"Бўрилар" раҳбарияти Жейдонни сотиб олиш учун 30-35 миллион евро ажратишга тайёр. Санчонинг "пенсионерлар" билан ижара шартномаси 2025 йилнинг июнь ойи охиригача амал қилади.

Англия чемпионатининг жорий мавсумида ярим ҳимоячи 25 та ўйинда майдонга тушди. У иккита гол урди ва тўртта голли узатмани амалга оширди.