"Real" darvozaboni Tibo Kurtua seshanba kuni Londonda "Arsenal"ga qarshi bo‘lib o‘tadigan Chempionlar ligasi 1/4 final birinchi o‘yini oldidan o‘zini qanday his qilayotgani haqida gapirdi.

Belgiyalik futbolchi "Los Blankos"ning so‘nggi uchta o‘yinini mushaklari bilan bog‘liq muammolar tufayli o‘tkazib yubordi, ammo "kanonirlar"ga qarshi o‘yinda ishtirok etishi kutilmoqda.

"Men to‘liq tayyorman. Maydonga tushishni murabbiydan so‘rayman, lekin tayyorman.

So‘nggi kunlarda sport zalida va maydonda mashg‘ulot o‘tkazdim va o‘yinda ishtirok eta olaman", - deydi Kurtua.