"Реал" дарвозабони Тибо Куртуа сешанба куни Лондонда "Арсенал"га қарши бўлиб ўтадиган Чемпионлар лигаси 1/4 финал биринчи ўйини олдидан ўзини қандай ҳис қилаётгани ҳақида гапирди.
Бельгиялик футболчи "Лос Бланкос"нинг сўнгги учта ўйинини мушаклари билан боғлиқ муаммолар туфайли ўтказиб юборди, аммо "канонирлар"га қарши ўйинда иштирок этиши кутилмоқда.
"Мен тўлиқ тайёрман. Майдонга тушишни мураббийдан сўрайман, лекин тайёрман.
Сўнгги кунларда спорт залида ва майдонда машғулот ўтказдим ва ўйинда иштирок эта оламан", - дейди Куртуа.
