"Manchester Siti" forvardi Erling Xoland klubni tark etish haqida o‘ylamoqda, deya xabar bermoqda El Nacional.

Manbaning yozishicha, 24 yoshli futbolchi jamoaning so‘nggi natijalaridan qoniqmayapti va bu uni jamoasini o‘zgartirishga undashi mumkin. 2034 yilga qadar amalda bo‘lgan shartnomaga qaramay, "shaharliklar" yulduzni, agar u butunlay ketishga qaror qilsa, ushlab qolishi oson bo‘lmaydi.

Voqealar rivojini "PSJ" va "Bavariya" kuzatib bormoqda.

Avvalroq, Xoland Angliya kubogi 1/4 finalidan o‘rin olgan "Bornmut"ga (2:1) qarshi o‘yinda to‘pig‘idan jarohat olgandi. Bosh murabbiy Xosep Gvardiolaning so‘zlariga ko‘ra, hujumchi 5-7 haftani o‘tkazib yuboradi. U joriy mavsum "Siti" safida barcha musobaqalarda 40 ta o‘yinda maydonga tushib, 30 ta gol urdi va 4 ta golli uzatmani amalga oshirdi.