"Real" bosh murabbiyi Karlo Anchelotti ispan klubiga erta o‘tganiga qaramay, u yerda o‘zini ko‘rsata olmagan va hozirda "Arsenal" sardoriga aylangan Martin Edegor bilan bog‘liq vaziyatga izoh berdi.
"Bizda uning o‘zini ko‘rsatishi uchun joy yo‘q edi, shuning uchun u o‘yin amaliyoti uchun boshqa klubga ketishga qaror qildi. Va u hozirda Chempionlar ligasining eng yaxshi klublaridan birini tanladi," - deydi Anchelotti.
Edegor 2015 yilning yanvarida 16 yoshida "Real"ga kelib qo‘shilgan va klubning eng yosh xaridlaridan biriga aylangan. O‘sha yilning may oyida u asosiy jamoadagi debyutini o‘tkazdi, ammo butun vaqt davomida u atigi 11 ta o‘yinda harakat qildi.
