“Sevilya” bosh murabbiyi Xavyer Garsiya Pimyenta yaqin orada istefoga chiqarilishi mumkin.
El Nacional nashri xabar berishicha, 50 yoshli ispaniyalik mutaxassis uchun “qizil-oqlar”ning La Liga doirasidagi navbatdagi “Valensiya”ga qarshi uchrashuvi hal qiluvchi bo‘ladi.
Agar uning jamoasi ochko yo‘qotsa, klub rahbariyati u bilan xayrlashishga majbur bo‘ladi. Qayd etilishicha, mavsum oxirigacha uning o‘rnini Xoakin Kaparros egallaydi.
“Sevilya” ayni damda Ispaniya chempionatining 30-turidan keyin 36 ochko bilan 12-o‘rinda bormoqda.
