“Севилья” бош мураббийи Хавьер Гарсия Пимьента яқин орада истефога чиқарилиши мумкин.
El Nacional нашри хабар беришича, 50 ёшли испаниялик мутахассис учун “қизил-оқлар”нинг Ла Лига доирасидаги навбатдаги “Валенсия”га қарши учрашуви ҳал қилувчи бўлади.
Агар унинг жамоаси очко йўқотса, клуб раҳбарияти у билан хайрлашишга мажбур бўлади. Қайд этилишича, мавсум охиригача унинг ўрнини Хоакин Капаррос эгаллайди.
“Севилья” айни дамда Испания чемпионатининг 30-туридан кейин 36 очко билан 12-ўринда бормоқда.
