"Bavariya" direktori Yan-Kristian Drizen Tomas Myullerning klubni tez orada tark etishi haqidagi savolga javob berdi.
Yaqinda ma’lum bo‘lishicha, "Bavariya" hujumchining yozda tugaydigan shartnomasini uzaytirmaslikka qaror qilgan. Futbolchi butun faoliyatini o‘tkazgan klubi safini erkin agent sifatida tark etadi.
"Qaror allaqachon qabul qilingan. Endi biz kelajakka qaraymiz va yaqin haftalar va oylarda birgalikda muvaffaqiyatga erishishni istaymiz. "Bavariya" va Myuller o‘rtasida har doim yaqin aloqa bo‘ladi," - dedi nemis grandi bosh direktori Sky Sport nashriga bergan intervyusida.
