"Бавария" директори Ян-Кристиан Дризен Томас Мюллернинг клубни тез орада тарк этиши ҳақидаги саволга жавоб берди.
Яқинда маълум бўлишича, "Бавария" ҳужумчининг ёзда тугайдиган шартномасини узайтирмасликка қарор қилган. Футболчи бутун фаолиятини ўтказган клуби сафини эркин агент сифатида тарк этади.
"Қарор аллақачон қабул қилинган. Энди биз келажакка қараймиз ва яқин ҳафталар ва ойларда биргаликда муваффақиятга эришишни истаймиз. "Бавария" ва Мюллер ўртасида ҳар доим яқин алоқа бўлади," - деди немис гранди бош директори Sky Sport нашрига берган интервьюсида.
