"Arsenal" Chempionlar ligasi nimchorak finalining birinchi o‘yinida "Real"ni 3:0 hisobida mag‘lub etdi. Uchrashuv "kanonirlar" himoyachisi Uilyam Saliba uchun o‘ziga xos bo‘ldi, chunki u bir akademiyada birga o‘ynagan bolalikdagi do‘sti Kilian Mbappe bilan ham to‘qnash keldi.
"Men Mbappega qarshi o‘ynashdan zavq oldim, garchi u bundan zavqlanganiga amin bo‘lmasam ham. Lekin men uchun bu yaxshi bo‘ldi, chunki biz g‘alaba qozondik va u gol ura olmadi. Bunday o‘yinlarda diqqatni jamlash kerak. Biz yaxshi o‘ynadik va keyingi haftada ham shunday qilishimiz kerak", - deydi Saliba.
Eslatib o‘tamiz, javob o‘yini 16 aprel kuni “Santyago Bernabeu”da bo‘lib o‘tadi.
