"Арсенал" Чемпионлар лигаси нимчорак финалининг биринчи ўйинида "Реал"ни 3:0 ҳисобида мағлуб этди. Учрашув "канонирлар" ҳимоячиси Уильям Салиба учун ўзига хос бўлди, чунки у бир академияда бирга ўйнаган болаликдаги дўсти Килиан Мбаппе билан ҳам тўқнаш келди.
"Мен Мбаппега қарши ўйнашдан завқ олдим, гарчи у бундан завқланганига амин бўлмасам ҳам. Лекин мен учун бу яхши бўлди, чунки биз ғалаба қозондик ва у гол ура олмади. Бундай ўйинларда диққатни жамлаш керак. Биз яхши ўйнадик ва кейинги ҳафтада ҳам шундай қилишимиз керак", - дейди Салиба.
Эслатиб ўтамиз, жавоб ўйини 16 апрель куни “Сантьяго Бернабеу”да бўлиб ўтади.
