"Valensiya"dan "Liverpul"ga o‘tishi shu yozda amalga oshiriladigan gruziyalik darvozabon Giorgi Mamardashvili so‘nggi o‘yinlari haqida fikr bildirdi.

"Men hozir eng yaxshi formada emasligimni bilaman, ammo ishonchim komilki, qiyinchiliklar bizni yanada kuchliroq qiladi. Imkon qadar tezroq normal holatga qaytish uchun bor kuchimni sarflayapman", dedi darvozabon.

Mamardashvili yana bir mavsum "Valensiya"da qolishi kutilgandi, ammo yakunda hammasi yangi mavsumda braziliyalik Alisson Bekker bilan yangi klubining asosiy tarkibidan joy olish uchun kurash olib borishi tomon ketmoqda.