Italiya top-klublari A Seriya joriy mavsumida porlayotgan markaziy himoyachisi uchun Milanning "Inter" klubi bilan kurashga qo‘shildi.
Nufuzli jurnalist Rudi Galettining ma’lum qilishicha, 26 yoshli "Bolonya" futbolchisi Jon Lukumi "Roma" va "Napoli" e’tiboriga tushgan.
Uning klub bilan amaldagi shartnomasi 2026 yilning iyun oyi oxirigacha mo‘ljallangan.
Bu mavsumda Jon Lukumi "Bolonya" safida barcha musobaqalarda 35 ta o‘yinda maydonga tushib, 1ta gol urgan va 1 ta golga hammualliflik qilgan.
Nufuzli "Transfermarkt" portali uning narxini 18 million yevroga baholamoqda.













