"PSJ" vingeri Xvicha Kvarasxeliya Chempionlar ligasi 1/4 finali birinchi o‘yinida "Aston Villa" ustidan qozonilgan g‘alabadan so‘ng (3:1) intervyu berdi. 24 yoshli futbolchi parijliklarga g‘alaba keltirgan golni 49-daqiqada darvoza to‘riga kiritdi.
"Murabbiyning hissasi juda katta. Men o‘ynaganimdan xursandman - qaysi pozisiyada o‘ynash menga farqi yo‘q. Men shunchaki jamoaga g‘alaba qozonishga yordam berishni xohlayman", - deydi gruziyalik futbolchi.
Javob o‘yini kelasi seshanba, 15 aprel kuni Birmingemda bo‘lib o‘tadi.













