"Liverpul" yaqin yozda tarkibni kuchaytirish imkoniyatlarini ko‘rib chiqmoqda. TodoFichajes portalining o‘z sahifalarida ma’lum qilishicha, mersisaydliklarga hujumchi Viktor Osimxen qiziq. 26 yoshli nigeriyalik futbolchining huquqi "Napoli"ga tegishli, ammo u hozirda "Galatasaroy"da ijarada o‘ynamoqda.
Qayd etilishicha, Osimxenning shartnomasida uni taxminan 75 million yevroga sotib olish bandi ko‘rsatilgan. "Liverpul" hujumchi uchun shuncha pul to‘lashga tayyor.
Shu bilan birga, manbaning ta’kidlashicha, Osimxenni qo‘lga kiritish uchun transfer bozorida jiddiy kurash avj oladi. Viktorni Premyer-liganing boshqa klublari ham o‘z safida ko‘rishni istamoqda.
