"Ливерпуль" яқин ёзда таркибни кучайтириш имкониятларини кўриб чиқмоқда. TodoFichajes порталининг ўз саҳифаларида маълум қилишича, мерсисайдликларга ҳужумчи Виктор Осимхен қизиқ. 26 ёшли нигериялик футболчининг ҳуқуқи "Наполи"га тегишли, аммо у ҳозирда "Галатасарой"да ижарада ўйнамоқда.

Қайд этилишича, Осимхеннинг шартномасида уни тахминан 75 миллион еврога сотиб олиш банди кўрсатилган. "Ливерпуль" ҳужумчи учун шунча пул тўлашга тайёр.

Шу билан бирга, манбанинг таъкидлашича, Осимхенни қўлга киритиш учун трансфер бозорида жиддий кураш авж олади. Викторни Премьер-лиганинг бошқа клублари ҳам ўз сафида кўришни истамоқда.