"Manchester Yunayted" bosh murabbiyi Ruben Amorimning fikricha, so‘nggi vaqtlarda hujumchi Joshua Zirkzee muvaffaqiyatga erishdi.
23 yoshli futbolchi joriy mavsumda yaxshi o‘yin ko‘rsata olmagani uchun ko‘p tanqid qilinmoqda. Niderlandiyalik futbolchi "qizil iblislar" safida 46 ta uchrashuvda 6 ta gol va 3 ta golli uzatmaga mualliflik qilgan.
"Hozir u tajovuzkorroq, yaxshiroq ishlaydi, yaxshiroq himoyalanadi, jamoadoshlari bilan yaxshi munosabatda bo‘ladi. "Arsenal"ga qarshi o‘yinda u hujumchi sifatida o‘zini juda yaxshi ko‘rsatdi va "Real Sosyedad" bilan o‘yinlarda ko‘proq "o‘nlik" sifatida o‘ynadi. U takomillashib bormoqda va ko‘p foyda keltirmoqda," - deya Amorimning so‘zlarini keltiradi United Zone.
