"Манчестер Юнайтед" бош мураббийи Рубен Аморимнинг фикрича, сўнгги вақтларда ҳужумчи Жошуа Зиркзее муваффақиятга эришди.
23 ёшли футболчи жорий мавсумда яхши ўйин кўрсата олмагани учун кўп танқид қилинмоқда. Нидерландиялик футболчи "қизил иблислар" сафида 46 та учрашувда 6 та гол ва 3 та голли узатмага муаллифлик қилган.
"Ҳозир у тажовузкорроқ, яхшироқ ишлайди, яхшироқ ҳимояланади, жамоадошлари билан яхши муносабатда бўлади. "Арсенал"га қарши ўйинда у ҳужумчи сифатида ўзини жуда яхши кўрсатди ва "Реал Сосьедад" билан ўйинларда кўпроқ "ўнлик" сифатида ўйнади. У такомиллашиб бормоқда ва кўп фойда келтирмоқда," - дея Аморимнинг сўзларини келтиради United Zone.
