"Chelsi" maoshlar tizimi tufayli hujumchi topishda qiyinchiliklarga duch keldi.

Joriy mavsumda Nikolas Jekson ma’lum yutuqlarga erishganiga qaramay, "Chelsi" kelasi yozda to‘purar hujumchiga ega bo‘lishni istamoqda.

Qizig‘i shundaki, tajribali to‘purarlar nafaqat qimmat turadi, balki tegishli maosh ham oladi.

Shu bilan birga, "Chelsi"ning maoshlar borasidagi siyosati shundan iboratki, futbolchilarning bazaviy maoshlari past, bonuslar shkalasi esa salmoqli. Futbolchi yaxshi o‘ynasa, bu uning daromadiga ta’sir qiladi.

Ammo "Chelsi"ning raqobatchilari kafolatlangan maoshlarni yuqoriroq taklif qilishmoqda va aynan shu sababli Daily Mail "ko‘klar"ning hujumchilar orasidagi asosiy nishonlaridan biri" deb ataydigan qaysidir futbolchi londonliklarga rad javobini bergan.

"Chelsi"ga har tomonlama mos keladigan yana bir hujumchi - "Ipsvich"dan Liam Delap, ammo Koul Palmerning "Manchester Siti" akademiyasidagi sobiq sherigiga "Manchester Yunayted" ham  da’vogarlik qilmoqda.