“Manchester Yunayted” hujumchisi Rasmus Xyoylund faoliyatini Italiya chempionatida davom ettirishi mumkin.

Bu haqda nufuzli insayder Fabrisio Romano xabar berdi. Manbaga ko‘ra, A Seriya klublari 22 yoshli daniyalikning holatini diqqat bilan kuzatib borishmoqda.

"Manchester Yunayted" yozda yangi hujumchi sotib olish uchun Xyoylundni sotishga qaror qilsa, Italiya klublari aniq muzokaralarni boshlashga tayyor bo‘ladi, deya ta’kidladi jurnalist.

Joriy mavsumda forvard barcha turnirlarda 41 ta o‘yinda maydonga tushib, 8 ta gol urdi va 4 ta golli uzatmani amalga oshirdi.