“Манчестер Юнайтед” ҳужумчиси Расмус Хёйлунд фаолиятини Италия чемпионатида давом эттириши мумкин.

Бу ҳақда нуфузли инсайдер Фабрицио Романо хабар берди. Манбага кўра, А Серия клублари 22 ёшли данияликнинг ҳолатини диққат билан кузатиб боришмоқда.

"Манчестер Юнайтед" ёзда янги ҳужумчи сотиб олиш учун Хёйлундни сотишга қарор қилса, Италия клублари аниқ музокараларни бошлашга тайёр бўлади, дея таъкидлади журналист.

Жорий мавсумда форвард барча турнирларда 41 та ўйинда майдонга тушиб, 8 та гол урди ва 4 та голли узатмани амалга оширди.