Ma’lumki, kecha start olgan velosport sporti turi bo‘yicha USI kalendar rejasiga kiritilgan U - 23 yoshgacha bo‘lgan (erkak - ayollar) o‘rtasida O‘zbekiston chempionati yuqori haroratda o‘tkazildi.

Ma’lumot sifatida qayd etish lozim, ushbu turnirda 100 nafardan ziyod ishtiyoqmand velosportchilar chempionlik sari poygada ishtirok etishdi.

Eslatib o‘tamiz, dastlabki kundagi yakkalik poygalarida bellashgan qatnashuvchilarning natijalari quyidagilardan iborat:
1.Nikita Svetkov (Surxondaryo)
2. Farrux Bobosherov ( Toshkent)
3. Davirjon Abdurahmonov (Surxondaryo).

Bugun, yakuniy kundan o‘rin olgan murosasiz kechgan poygalar ham ijobiy o‘tkazildi.
E’tiborli tomoni shundaki, kechagi kun kabi Surxondaryo va Toshkent shahar, viloyat terma jamoalari yana o‘zlarini ko‘rsatishdi. So‘nggi kun natijalari:

1.Nikita Svetkov ( Surxondaryo)
2.Troman Vladislav (Surxondaryo)
3.Bahodirov Bekzod (Xorazm).

Shuningdek, ayollar o‘rtasidagi poygalar ham o‘z nihoyasiga yetdi. Unga ko‘ra,

1.Samira Ismailova (Samarqand)
2.Maxinabonu Elmurodova (Toshkent viloyati)
3.Asal Rizayeva (Toshkent shahar).

Shu asnoda ta’kidlaganimizdek, Samarqandda o‘tgan O‘zbekiston chempionati yakunlandi. G‘olib va sovrindor bo‘lgan sportchilarga diplom, medal va esdalik sovg‘alari tuhfa etildi.