"Bornmut"ning chap qanot himoyachisi Milosh Kerkez yaqin transferlar davrida Angliya Premyer-ligasining top-klublaridan biriga ko‘chib o‘tishi mumkin.
21 yoshli futbolchi anchadan beri "Liverpul"ga o‘tishi mumkinligi bilan bog‘liq, ammo "qizillar" "giloslar" yulduziga da’vogar yagona jamoa emas. GiveMeSport xabariga ko‘ra, mersisaydliklarga istiqbolli vengr uchun kurashda Londonning "Arsenal" klubi raqobatchi bo‘lmoqchi.
Milosh Kerkez joriy mavsum "Bornmut" safida 31 ta o‘yinda maydonga tushdi va 2 ta gol hamda 6 ta golli uzatmaga mualliflik qildi. Transfermarkt portali ekspertlari futbolchining narxini 35 mln yevroga baholamoqda.













