Superliganing 5-tur bahslari doirasida "Neftchi" jamoasi Olmaliq shahrida Muborakning "Mash’al" klubi bilan kuch sinashadi. Oxirgi marotaba bu jamoalar bundan sakkiz yil ilgari Superliga musobaqasida uchrashgan edilar. O‘shandan beri ikkala jamoa turli ligalarda to‘p surishgani bois bir-birlari bilan bahs yuritishmagan. Uzoq tanaffusdan so‘ng bu klublar taqdir taqozosi bilan yana Superligada bellashishga hozirlik ko‘rmoqdalar.
"Mash’al" futbol klubi 1984 yilda tashkil etilgan bo‘lib, milliy chempionatimiz doirasida jamoaning qo‘lga kiritgan eng yuqori natijalari quyidagicha: 2005 yilda Oliy liganing kumush medali, 2007 yilda bronza medali sovrindori, 2006 yil O‘zbekiston kubogi final ishtirokchisi, 2014 yil O‘zPFL kubogi g‘olibi.
O‘zaro o‘yinlar statistikasiga nazar tashlasak, milliy chempionatimiz doirasida jamoalar 34 marta kuch sinashgan. Bularning 21 tasida "Neftchi", 11 tasida esa "Mash’al"ning qo‘li baland kelgan, 2 ta bahsda murosa ko‘chasi tanlangan. Kiritilgan va o‘tkazib yuborilgan to‘plar nisbati 35-62 farg‘onaliklar foydasiga.
Jamoalarning Muborakda bo‘lib o‘tgan so‘nggi 5 uchrashuv natijalari quyidagicha:
19.06.2017.
"Mash’al"-"Neftchi" 2:2
23.04.2016.
"Mash’al"-"Neftchi" 1:2
26.08.2015.
"Mash’al"-"Neftchi" 2:1
12.09.2014.
"Mash’al"-"Neftchi" 1:0
22.09.2012.
"Mash’al"-"Neftchi" 2:0
Bu jamoalar o‘rtasidagi Muborakda kechgan 16ta uchrashuvning 9tasida “Mashal” zafar quchgan. “Neftchi” 7 marta “Mashal”ni mag‘lub etib qaytgan
Eslatma: "Mash’al"-"Neftchi" uchrashuvini Ibrohim Ismoilov boshchiligidagi hakamlar guruhi boshqarib boradi. Bellashuv soat 18:00 da boshlanadi.
