Суперлиганинг 5-тур баҳслари доирасида "Нефтчи" жамоаси Олмалиқ шаҳрида Муборакнинг "Машъал" клуби билан куч синашади. Охирги маротаба бу жамоалар бундан саккиз йил илгари Суперлига мусобақасида учрашган эдилар. Ўшандан бери иккала жамоа турли лигаларда тўп суришгани боис бир-бирлари билан баҳс юритишмаган. Узоқ танаффусдан сўнг бу клублар тақдир тақозоси билан яна Суперлигада беллашишга ҳозирлик кўрмоқдалар.
"Машъал" футбол клуби 1984 йилда ташкил этилган бўлиб, миллий чемпионатимиз доирасида жамоанинг қўлга киритган энг юқори натижалари қуйидагича: 2005 йилда Олий лиганинг кумуш медали, 2007 йилда бронза медали совриндори, 2006 йил Ўзбекистон кубоги финал иштирокчиси, 2014 йил ЎзПФЛ кубоги ғолиби.
Ўзаро ўйинлар статистикасига назар ташласак, миллий чемпионатимиз доирасида жамоалар 34 марта куч синашган. Буларнинг 21 тасида "Нефтчи", 11 тасида эса "Машъал"нинг қўли баланд келган, 2 та баҳсда муроса кўчаси танланган. Киритилган ва ўтказиб юборилган тўплар нисбати 35-62 фарғоналиклар фойдасига.
Жамоаларнинг Муборакда бўлиб ўтган сўнгги 5 учрашув натижалари қуйидагича:
19.06.2017.
"Машъал"-"Нефтчи" 2:2
23.04.2016.
"Машъал"-"Нефтчи" 1:2
26.08.2015.
"Машъал"-"Нефтчи" 2:1
12.09.2014.
"Машъал"-"Нефтчи" 1:0
22.09.2012.
"Машъал"-"Нефтчи" 2:0
Бу жамоалар ўртасидаги Муборакда кечган 16та учрашувнинг 9тасида “Машал” зафар қучган. “Нефтчи” 7 марта “Машал”ни мағлуб этиб қайтган
Эслатма: "Машъал"-"Нефтчи" учрашувини Иброҳим Исмоилов бошчилигидаги ҳакамлар гуруҳи бошқариб боради. Беллашув соат 18:00 да бошланади.
