"Liverpul" hujumchisi Muhammad Saloh "qizillar" bilan yangi mehnat shartnomasini imzolaganidan so‘ng mersisaydliklar muxlislariga murojaat qildi. Misrlik futbolchining shartnomasi 2027 yilning o‘rtalariga qadar mo‘ljallangan.
"Muxlislarga aytmoqchimanki, bu yerda ekanimdan juda xursandman. Ishonamanki, kelgusida yana ko‘plab sovrinlarni qo‘lga kiritamiz. Jamoani qo‘llab-quvvatlashda davom eting, biz esa maydonda maksimal darajada harakat qilamiz," - deya yulduz hujumchining so‘zlarini keltiradi klub matbuot xizmati.
