"Milan" markaziy yarim himoyachisi Tidjani Reynders faoliyatini Angliya Premyer-ligasining top-klubida davom ettirishi mumkin.
Manba bergan xabarga ko‘ra, yozgi transfer oynasida jamoa yarim himoyasini kuchaytirish niyatida bo‘lgan 26 yoshli niderlandiyalik yarim himoyachini "Manchester Siti" o‘z safiga qo‘shib olmoqchi.
Reyndersning transfer narxi 50-60 million yevroni tashkil qilishi mumkin. Tidjani Italiya chempionatining joriy mavsumida “rossonerilar” safida 30 ta o‘yin o‘tkazdi. Yarim himoyachi 9 ta gol urdi va 3 ta golli uzatmani amalga oshirdi.
Tomonlar o‘rtasidagi amaldagi shartnoma 2030 yilning yozida yakuniga yetadi.
