"Милан" марказий ярим ҳимоячиси Тиджани Рейндерс фаолиятини Англия Премьер-лигасининг топ-клубида давом эттириши мумкин.
Манба берган хабарга кўра, ёзги трансфер ойнасида жамоа ярим ҳимоясини кучайтириш ниятида бўлган 26 ёшли нидерландиялик ярим ҳимоячини "Манчестер Сити" ўз сафига қўшиб олмоқчи.
Рейндерснинг трансфер нархи 50-60 миллион еврони ташкил қилиши мумкин. Тиджани Италия чемпионатининг жорий мавсумида “россонерилар” сафида 30 та ўйин ўтказди. Ярим ҳимоячи 9 та гол урди ва 3 та голли узатмани амалга оширди.
Томонлар ўртасидаги амалдаги шартнома 2030 йилнинг ёзида якунига етади.
