"Galatasaroy" hujumchisi Viktor Osimxen "Yuventus" va "Chelsi" klublaridan qiziqish bo‘layotgan xabarlarga izoh berdi.

"Men haqimda har doim mish-mishlar yuradi. Lekin men hozir bilan yashayman. Men hozirgi paytdan zavqlanyapman. Turkiyadagi muxlislar meni ajoyib qo‘llab-quvvatlashdi. Ular nafaqat men uchun, balki do‘stlarim va oilam uchun ham u yerda bo‘lishdi. Qaror qabul qilinadi, lekin "Galatasaroy" har doim qalbimda qoladi", - deya Osimxenning so‘zlarini keltiradi Sabah.com

26 yoshli nigeriyalik futbolchi "Galatasaroy"da "Napoli"dan ijara asosida o‘ynamoqda. Futbolchining neapolliklar bilan amaldagi shartnomasi 2026 yilgacha mo‘ljallangan. Osimxen joriy mavsumda 33ta o‘yinda 29ta gol urdi va 6ta golga assistentlik qildi.