Chempionlar ligasining birinchi chorak finalida “Arsenal”ga qarshi o‘yinda “Real” 0:3 hisobida mag‘lub bo‘ldi.
O‘yindan so‘ng madridliklar futbolchilari raqiblariga qaraganda ancha kam yugurgani muhokama qilindi.
"Qaymoqranglilar" bosh murabbiyi Karlo Anchelotti bu borada fikr bildirdi.
"Statistik ma’lumotlar yaqqol ko‘rinib turibdi: biz raqiblarimizdan kamroq yugurdik. Bizda bu holat avval ham bo‘lgan.
Statistikada umumiy masofa haqida gapiriladi, ammo ular sprintlar bo‘yicha masofa ko‘rsatkichlarini ta’kidlamaydi.
Umuman olganda, biz har doim kamroq yugurganmiz, ammo bu "Arsenal"ni mag‘lub eta olmaymiz degani emas", – dedi murabbiy.
