"Barselona" La Liganing 31-turidan o‘rin olgan o‘yinda safarda "Leganes"ni qiyinchilik bilan mag‘lub etdi (1:0).
Kataloniya grandi odatdagidek yorqin ko‘rinmadi va baribir o‘z maqsadiga erishdi. Uchrashuv taqdirini 48-daqiqada sodir bo‘lgan "Leganes"ning avtogoli hal qildi.
Uchrashuv davomida “Barselona” fitnes murabbiyi Pepe Konde motivasion nutqi bilan futbolchilarning kayfiyatini ko‘tarishga harakat qildi: "Bu kabi o‘yinlarda unvonlar yutiladi yoki yutqaziladi. "Leganes" omon qolish uchun kurashmoqda, biz esa chempionlik uchun kurashamiz. Biz ulardan kam bo‘lmagan holda kurashishimiz kerak. Erishgan narsalarni yo‘q qilmaylik. Olg‘a!" - mutaxassisning so‘zlaridan Barca Universal portali iqtibos keltirmoqda.
