"Барселона" Ла Лиганинг 31-туридан ўрин олган ўйинда сафарда "Леганес"ни қийинчилик билан мағлуб этди (1:0).

Каталония гранди одатдагидек ёрқин кўринмади ва барибир ўз мақсадига эришди. Учрашув тақдирини 48-дақиқада содир бўлган "Леганес"нинг автоголи ҳал қилди.

Учрашув давомида “Барселона” фитнес мураббийи Пепе Конде мотивацион нутқи билан футболчиларнинг кайфиятини кўтаришга ҳаракат қилди: "Бу каби ўйинларда унвонлар ютилади ёки ютқазилади. "Леганес" омон қолиш учун курашмоқда, биз эса чемпионлик учун курашамиз. Биз улардан кам бўлмаган ҳолда курашишимиз керак. Эришган нарсаларни йўқ қилмайлик. Олға!" - мутахассиснинг сўзларидан Barca Universal портали иқтибос келтирмоқда.