Ispaniyaning "Betis" klubi yarim himoyachi Antonini o‘z jamoasida saqlab qolmoqchi. Sevilya klubi futbolchining huquqlariga ega bo‘lgan "Manchester Yunayted" bilan muzokaralarni boshlab yuborgan.
Jurnalist Nikolo Skiraning yozishicha, ispanlar Antoniga to‘liq shartnoma taklif qilishadi. Eslatib o‘tamiz, braziliyalik futbolchi hozirda "Betis"da ijara asosida o‘ynamoqda, uning muddati 2025 yilning 30 iyuniga qadar mo‘ljallangan.
Joriy mavsumda Antoni barcha turnirlarda 28 ta o‘yin o‘tkazib, 5 ta gol urdi va 4 ta golli uzatmani amalga oshirdi.
25 yoshli vingerning transfer qiymati 20 million yevroni tashkil qiladi. 30 turdan so‘ng "Betis" 48 ochko bilan La Liga turnir jadvalida oltinchi o‘rinda bormoqda.
