Испаниянинг "Бетис" клуби ярим ҳимоячи Антонини ўз жамоасида сақлаб қолмоқчи. Севилья клуби футболчининг ҳуқуқларига эга бўлган "Манчестер Юнайтед" билан музокараларни бошлаб юборган.
Журналист Николо Скиранинг ёзишича, испанлар Антонига тўлиқ шартнома таклиф қилишади. Эслатиб ўтамиз, бразилиялик футболчи ҳозирда "Бетис"да ижара асосида ўйнамоқда, унинг муддати 2025 йилнинг 30 июнига қадар мўлжалланган.
Жорий мавсумда Антони барча турнирларда 28 та ўйин ўтказиб, 5 та гол урди ва 4 та голли узатмани амалга оширди.
25 ёшли вингернинг трансфер қиймати 20 миллион еврони ташкил қилади. 30 турдан сўнг "Бетис" 48 очко билан Ла Лига турнир жадвалида олтинчи ўринда бормоқда.
