"Manchester Siti" yarim himoyachisi Kevin De Bryuyne jamoani tark etayotgan paytdagi his-tuyg‘ularini tasavvur qilishga harakat qildi.
Eslatib o‘tamiz, futbolchining amaldagi shartnomasi 2025 yilning 30 iyunida tugaydi. Klub uni uzaytirmaslikka qaror qildi.
"Nima his qilishimni bilmayman, shuncha vaqtdan beri shu yerdaman! O‘ylaymanki, oilam biroz qo‘rqib, xavotirda, chunki bundan keyin nima bo‘lishi hozircha noma’lum", - dedi futbolchi.
De Bryuyne joriy mavsumda barcha turnirlarda 33 ta o‘yin o‘tkazib, 5 ta gol urdi va 8 ta golli uzatmani amalga oshirdi. 33 yoshli belgiyalik futbolchining transfer qiymati 27 million yevroni tashkil qiladi.
