"Манчестер Сити" ярим ҳимоячиси Кевин Де Брюйне жамоани тарк этаётган пайтдаги ҳис-туйғуларини тасаввур қилишга ҳаракат қилди.
Эслатиб ўтамиз, футболчининг амалдаги шартномаси 2025 йилнинг 30 июнида тугайди. Клуб уни узайтирмасликка қарор қилди.
"Нима ҳис қилишимни билмайман, шунча вақтдан бери шу ердаман! Ўйлайманки, оилам бироз қўрқиб, хавотирда, чунки бундан кейин нима бўлиши ҳозирча номаълум", - деди футболчи.
Де Брюйне жорий мавсумда барча турнирларда 33 та ўйин ўтказиб, 5 та гол урди ва 8 та голли узатмани амалга оширди. 33 ёшли бельгиялик футболчининг трансфер қиймати 27 миллион еврони ташкил қилади.
