"Arsenal", "Chelsi", "Liverpul", "Nyukasl" va "Tottenxem" vakillari "Bornmut" himoyachisi Din Xeysenning agentlari bilan uchrashdi. Bu haqda jurnalist Devid Ornshteyn xabar bermoqda.
Futbolchi shu yozda yangi jamoaga o‘tishi kutilmoqda. Uning shartnomasida 50 million funt sterling tovon puli bor. Manbaga ko‘ra, "Bornmut" rahbarlari transfer dostonining "tezda tugashini" xohlashadi.
Din Xeysen joriy mavsumda "Bornmut" safida 29 ta o‘yin o‘tkazdi. Ularda u ikkita gol urdi va golli uzatmani qayd etdi.
