"Bavariya" direktorlar kengashi a’zosi Uli Xyoness o‘tgan mavsumni esladi.
Myunxenliklar mavsumni sovrinsiz yakunladi va uzoq yillar davomida birinchi marta Bundesliga chempionligini boy berdi. Yozda Tomas Tuxel bosh murabbiy lavozimini tark etdi va uning o‘rnini Vensan Kompani egalladi.
"O‘tgan mavsum butunlay halokatli bo‘ldi, biz o‘rtamiyona jamoaga aylandik. Biz marraga uchinchi bo‘lib keldik. Ehtimol, bu "Bavariya" bilan sodir bo‘lishi mumkin bo‘lgan eng yomon holatdir. O‘sha paytdagi ahvol bilan hozirgi holatni taqqoslab bo‘lmaydi. Bu mavsumda qo‘lga kiritishimiz shart bo‘lgan chempionlikni tabiiy holdek qabul qilmaslik kerak," - deya Xyonessning intervyusidan iqtibos keltiradi Bayern & Germany.
