Turkiya Superligasining peshqadami va so‘nggi ikki mavsum chempioni bo‘lgan "Galatasaroy" mavsum oxirigacha "Napoli"dan ijaraga olingan nigeriyalik hujumchi Viktor Osimxenni qo‘yib yubormoqchi emas.

Futbolchining so‘nggi o‘yindan so‘ng xayrlashuvga o‘xshagan bayonotlariga qaramay, klub uni o‘z tarkibida saqlab qolmoqchi. "Galatasaroy" rahbariyati Osimxenning jamoada qolishi uchun barcha zarur moliyaviy va sport shartlarini bajarishga tayyorligini bildirdi.

"Tez orada qaror qabul qilamiz. "Galatasaroy" doim yuragimda... Bugun unutilmas kun bo‘ldi - 25-chempionligimiz va beshinchi yulduzimiz", - deydi Turkiyada joriy mavsumda 21 ta gol urgan forvard.

Klub vise-prezidenti Ibrohim Xatipog‘lu Osimxenning so‘zlarini so‘nggi xayrlashuv sifatida qabul qilmaslik kerakligiga aniqlik kiritdi.

"Uning so‘zlari ketayotganini anglatmaydi. Ketgan taqdirda ham "Galatasaroy" doim yuragida bo‘lishini aytdi. Lekin u ketishini aytmadi. Biz uning biz bilan qolishini istaymiz" - Ibrohim Xatipog‘lu.

Turk klubi Osimxenga Yevropaning bir qancha gigantlari tomonidan katta qiziqish bildirilganidan xabardor. Ular orasida "Barselona", "Yuventus", shuningdek, ingliz klublari ham bor. "Barselona" o‘z navbatida Levandovskini hujumda qo‘llab-quvvatlay oladigan va polshalik klubni tark etganda silliq o‘tishni ta’minlay oladigan kuchli hujumchi qidirmoqda. "Barselona" hujumini kuchaytirish uchun eng ko‘p tilga olinadigan ikki nom - Viktor Osimxen va Viktor Dyokeresh.