Madridning "Real" klubi yarim himoyachisi Dani Sebalyos Chempionlar ligasi 1/4 finalidan o‘rin olgan Londonning "Arsenal" klubiga qarshi javob uchrashuvi haqida fikr bildirdi.
Londonda "qaymoqranglilar" yirik hisobda mag‘lubiyatga uchradi - 0:3. Ikkinchi o‘yin 16 aprel kuni "Santyago Bernabeu"da bo‘lib o‘tadi.
"Biz o‘zimizni o‘yinga 200 foiz bag‘ishlashimiz kerak va bizga o‘z muxlislarimiz - o‘zimiz kabi ishonadiganlar kerak. Biz sizni chorshanba kuni kutamiz - siz bizga har qachongidan ham ko‘proq keraksiz. Barchamiz - futbolchilar va muxlislar muvaffaqiyatga ishonishimiz kerak. Bundan nima chiqishini ko‘ramiz. Uchrashuvning dastlabki 15-20 daqiqasi juda muhim bo‘ladi," - deya Sebalyosning so‘zlarini keltiradi Madrid Xtra.
