"Krasnodar" yarim himoyachisi Eduard Spersyanda Angliya Premyer-ligasi klubida faoliyatini davom ettirish imkoniyati mavjud edi.
Metaratings.ru saytiga ma’lum bo‘lishicha, "buqalar" futbolchisiga "Nottingem Forest" qiziqish bildirgan ekan. Spersyanning agenti Rafael Pimentega shunday taklif berilgan, biroq bu taklif rad etilgan. Yarim himoyachi tomoni ma’lum sabablar tufayli "Nottingem"ga o‘tishni ko‘rib chiqmagan.
Spersyan "Krasnodar" klubi akademiyasining tarbiyalanuvchisidir. Yarim himoyachining transfer qiymati 20 million yevroga baholanmoqda.













