Kataloniyaning "Barselona" klubi hujumchisi Robert Levandovski okean ortiga yo‘l olishi mumkin. 36 yoshli polshalik to‘purarda MLS klubiga o‘tish varianti bor.
Todofichajes portalining xabar berishicha, tajribali markaziy hujumchini "Los-Anjeles Gelaksi" o‘z safiga qo‘shib olmoqchi. Levandovskining "ko‘k-anorranglilar" bilan shartnomasi kelasi yilning yarmigacha mo‘ljallangan. Transfermarkt portali uning narxini 15 million yevroga baholamoqda.
Polshalik futbolchi joriy mavsum Ispaniya chempionatida "Barselona" safida 30 ta o‘yinda maydonga tushdi. Robert 25 ta gol urdi (uchtasi penaltidan) va ikkita golli uzatmani amalga oshirdi. U "Barsa" safida 2022 yildan buyon to‘p tepib kelmoqda.













