Каталониянинг "Барселона" клуби ҳужумчиси Роберт Левандовски океан ортига йўл олиши мумкин. 36 ёшли польшалик тўпурарда МЛС клубига ўтиш варианти бор.
Todofichajes порталининг хабар беришича, тажрибали марказий ҳужумчини "Лос-Анжелес Гэлакси" ўз сафига қўшиб олмоқчи. Левандовскининг "кўк-анорранглилар" билан шартномаси келаси йилнинг ярмигача мўлжалланган. Transfermarkt портали унинг нархини 15 миллион еврога баҳоламоқда.
Польшалик футболчи жорий мавсум Испания чемпионатида "Барселона" сафида 30 та ўйинда майдонга тушди. Роберт 25 та гол урди (учтаси пенальтидан) ва иккита голли узатмани амалга оширди. У "Барса" сафида 2022 йилдан буён тўп тепиб келмоқда.
