Taniqli sharhlovchi Xayrulla Hamidov o‘z telegram-kanali orqali bugungi O‘zbekiston kubogi doirasidagi "Navbahor" - "Neftchi" o‘yinini sharhlab borishini e’lon qildi.
"Vodiy derbisi. Namangan va Farg‘ona to‘qnashadigan oqshom. Boshqa yumushlar chetga suriladi.
Yaqinda bu jamoalar o‘zaro chempionatda uchrashgan edilar. "Neftchi" kambek qilib ketgandi. "Navbahor"ning mag‘lubiyatida murabbiyni ayblashdi, yengib turganida o‘ta himoyaviy futbol ko‘rsatgani va zaxiradan yetarlicha o‘yinni o‘zgartiradigan kuchni tashlamagani uchun.
Bugun Lushan o‘tgan bahsdan yetarlicha saboq olganmi, yo‘qmi, bilib olamiz. Kubok bahsida jamoalar endi Namanganda to‘qnash kelishadi.
Keyin "Navbahor"ga yana bir narsa dars bo‘lishi kerak— guruhdan kimni olib chiqish:) O‘tgan mavsum azobi totib ko‘rildi, endi shunga qarab ish yuritadi Lushan…
Bugungi derbining vaqti ham ideal — 20:15! YECHL bahslariga dovur vaqtni o‘tkazish uchun ajoyib imkoniyat.
Futbol tv kanalida Ko‘rishamiz!", - deb yozgan Xayrulla Hamidov.
