Таниқли шарҳловчи Хайрулла Ҳамидов ўз телеграм-канали орқали бугунги Ўзбекистон кубоги доирасидаги "Навбаҳор" - "Нефтчи" ўйинини шарҳлаб боришини эълон қилди.

"Водий дербиси. Наманган ва Фарғона тўқнашадиган оқшом. Бошқа юмушлар четга сурилади.

Яқинда бу жамоалар ўзаро чемпионатда учрашган эдилар. "Нефтчи" камбэк қилиб кетганди. "Навбаҳор"нинг мағлубиятида мураббийни айблашди, енгиб турганида ўта ҳимоявий футбол кўрсатгани ва захирадан етарлича ўйинни ўзгартирадиган кучни ташламагани учун.

Бугун Лушан ўтган баҳсдан етарлича сабоқ олганми, йўқми, билиб оламиз. Кубок баҳсида жамоалар энди Наманганда тўқнаш келишади.

Кейин "Навбаҳор"га яна бир нарса дарс бўлиши керак— гуруҳдан кимни олиб чиқиш:) Ўтган мавсум азоби тотиб кўрилди, энди шунга қараб иш юритади Лушан…

Бугунги дербининг вақти ҳам идеал — 20:15! ЕЧЛ баҳсларига довур вақтни ўтказиш учун ажойиб имконият.

Futbol tv каналида Кўришамиз!", - деб ёзган Хайрулла Ҳамидов.